வாய்ப்பு
பொன்னான வாய்ப்பு
போனால் வராது
போகட்டுமே
கேள்வி
நான் பேசுகிறேன்
நீ கேள்
கேள்வி ஞானம்
பெண்
கண்ணை மூடிக்கொண்டு சம்மதித்தேன்
கண்ணைத் திறந்தேன்
பெண்ணைக் காணவில்லை
அழகு
அழகியின் முன் அழகற்றவனாக நினைக்கிறேன்
அழகற்றவளின் முன் அழகனாக நினைக்கிறேன்
நான் அழகனா அழகற்றவனா?
போலி நாகரிகம்
சும்மாச் சொன்னேன் என்றார்
சும்மாப் போய்யா என்றேன்
விளையாட்டுக்குச் சொன்னேன் என்றார்
விளையாடாதே என்றேன்
வருகிறேன் என்றார்
போ என்றேன்
போலி நாகரிகம் புளிச்சுப்போச்சு
வீடு
சொந்த வீடு வேற
வாடகை வீடு வேற
தூக்கம் அதே தான்
பாட்டுக் கச்சேரி
சிறுநீர் கழிக்கச் சென்றவர்
இருக்கையில் செவிகளை விட்டுச் சென்றார்
பாட்டுக் கச்சேரி பிரமாதம்
தமிழ் மீது கோபம்
தமிழ் மீது கோபம் எனக்கு
அழகான ழ தனை
வரவிடாமல் பலருக்கு
அழ விடுகிறது என்னை
Subscribe to:
Post Comments (Atom)
No comments:
Post a Comment